МІНСК, 26 сту – Sputnik. Губернатар Архангельскай вобласці Аляксандр Цыбульскі прапанаваў падумаць аб стварэнні тэрмінала для перавалкі беларускіх грузаў, у тым ліку калійных удабрэнняў.
"Праект стварэння спецыялізаванага тэрмінала для перавалкі беларускіх грузаў разглядаецца даўно", - цытуе Цыбульскага "Беларусь Сегодня".
Аб гэтым губернатар гаварыў на сустрэчы з паслом Беларусі ў Расіі Дзмітрыем Крутым. Кіраўнік рэгіёна звярнуў увагу, што расійскі ўрад зацвердзіў праграму развіцця Архангельскага транспартнага вузла да 2035 года. У тым ліку плануецца стварыць глыбакаводны раён у порце горада. Гэта дазволіць прымаць судны з асадкай да 15 метраў і цэлы год апрацоўваць грузы.
"Улічваючы нашы дзеючыя і перспектыўныя тэрмінальныя магутнасці, адпраўка грузаў прадпрымальнікамі і экспарцёрамі Беларусі праз Архангельскі порт можа стаць перспектыўным напрамкам сумеснай дзейнасці", - лічыць Цыбульскі.
Акрамя таго, губернатар адзначыў, што порт Архангельска дазваляе выходзіць у акіян, не перасякаючы тэрытарыяльныя воды іншых дзяржаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"