МІНСК, 15 лют – Sputnik. Дыпломы педагогаў і юрыстаў нядаўна ўзаемна прызналі ў краінах ЕАЭС, паведаміла дырэктар дэпартамента працоўнай міграцыі і сацабароны Еўразійскай эканамічнай камісіі (ЕЭК) Алтынай Амурбекава падчас відэамоста ў мультымедыйным прэс-цэнтры Sputnik.
Дагавор ЕАЭС прадугледжвае ўзаемнае прызнанне дакументаў аб адукацыі, аднак гэта не датычылася дыпломаў медыкаў, фармацэўтаў, юрыстаў і педагогаў, нагадала яна.
"Добрая навіна: з 12 лютага набыў моц другі вялікі пратакол, згодна з якім педагагічная і юрыдычная спецыяльнасці таксама прызнаюцца", - сказала Амурбекава.
Адной з мэт еўразійскай інтэграцыі з’яўляецца фарміраванне адзінага рынку працы. ЕЭК штогод складае спісак найбольш запатрабаваных прафесій і ён увесь час актуалізуецца. Больш за ўсё ў краінах ЕАЭС запатрабаваны ўрачы агульнай практыкі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"