МІНСК, 20 лют – Sputnik. Міністэрства фінансаў Расіі лічыць, што ў ЕАЭС не трэба захоўваць бяспошлінны парог кошту тавараў у міжнародных пасылках на ўзроўні тысячы еўра.
Як паведамляе РІА Навіны са спасылкай на газету "Ведомости", такую пазіцыю ведамства выказала ў пісьмах буйным маркетплэйсам, сярод якіх Ozon.
Як заявілі карэспандэнту Sputnik Беларусь у прэс-службе Ozon, падтрыманне бяспошліннага парога на ўзроўні тысячы еўра за апошнія некалькі гадоў дапамагло забяспечыць попыт сярод пакупнікоў з невысокім узроўнем даходу.
Маецца на ўвазе продаж недарагіх і запатрабаваных тавараў з-за мяжы, у тым ліку электронікі, інструментаў ці аўтатавараў.
"Многія людзі могуць адмовіцца ад пакупкі, калі з улікам пошліны кошт патрэбнага тавару апынецца вышэй, чым яны могуць сабе дазволіць. Таму мы разлічваем на ўзважанае рашэнне рэгулятараў у гэтым пытанні", - заявілі ў Ozon.
Раней Еўразійская эканамічная камісія некалькі разоў прадаўжала рашэнне аб бяспошлінным парозе ў тысячу еўра для ўсіх краін ЕАЭС. Дата заканчэння чарговага прадаўжэння – 1 красавіка 2024 года.
Паводле інфармацыі Дзяржаўнага мытнага камітэта Беларусі, з 1 красавіка бяспошлінны парог будзе роўны 200 еўра. Абмежаванне па вазе пасылак застанецца ранейшым – да 31 кілаграма (брута).
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"