МІНСК, 23 лют – Sputnik. Першымі чэмпіёнамі міжнароднага мультыспартыўнага форуму "Игры будущего" ў Казані сталі беларускія велагоншчыкі.
У агульным заліку на спаборніцтвах у Расіі каманда Minsk набрала 522 ачкі. Далей на п'едэстале размясціліся каманды Marathon Tula і Italian Espresso.
Усяго ў спаборніцтвах веласіпедыстаў удзельнічалі 12 каманд па чатыры чалавекі ў кожнай. Яны прайшлі ў пяць этапаў: індывідуальная гонка на час, гонка з выбываннем, скрэтч, тэмпа, гонка па ачках.
Удзельнікі віртуальнай велагонкі на "Играх Будущего", якая праходзіла ў расійскім сімулятары WattAttack, пераадолелі ў агульнай складанасці больш за 40 км. У складзе беларускай каманды Minsk у Казані вызначыліся Ганна Церах, Міхаіл Шэметаў, Таісія Насковіч і Яўген Собаль.
Беларускія велагоншчыкі з’яўляюцца шматразовымі пераможцамі міжнародных спаборніцтваў.
"Гульні будучыні" праходзяць у Казані, завершацца яны 3 сакавіка. Спаборніцтвы задуманы ў новым фармаце, які спалучае сучасныя тэхналогіі і фізічную актыўнасць.
У міжнародных спаборніцтвах прымаюць удзел каля дзвюх тысяч чалавек з больш чым 100 краін з усяго свету.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"