МІНСК, 26 лют – Sputnik. Галоўны рэдактар медыягрупы "Россия сегодня" і тэлеканала RT Маргарыта Сіманьян заклікала расіян на час СВА стаць "трошкі ленінградцамі", нагадаўшы аб тым, што жыхары блакаднага Ленінграда дапамагалі фронту, вырабляючы ўзбраенне і боепрыпасы.
"Вось гэтыя людзі, якія неверагодным намаганнем волі – галодныя, замёрзлыя – прымушалі сябе нават проста з ложка ўстаць, яны яшчэ і ўмудраліся фронт забяспечваць гэтым усім. Нам усім трэба пра гэта задумацца і стаць трошкі, як яны", - сказала Сіманьян напярэдадні ў эфіры праграмы "Вечер с Владимиром Соловьевым" на тэлеканале "Россия 1".
Яна адзначыла, што ў першы год блакады Ленінграда норма хлеба некаторы час складала 250 грамаў для рабочых і 125 для служачых.
Адзін з самых знакавых эпізодаў Вялікай Айчыннай вайны, вядомы як блакада Ленінграда, пачаўся 8 верасня 1941 года і доўжыўся амаль 900 дзён. Асаблівую ролю ў забеспячэнні горада харчаваннем мела "Дарога жыцця" – транспартнай магістраллю для Ленінграда стала Ладажскае возера. У перыяд ледаставу прадукты ў горад дастаўлялі па лёдзе возера.
Блакада была прарвана 18 студзеня 1943-га, але да яе поўнага зняцця – 27 студзеня 1944 года – ленінградцы чакалі яшчэ цэлы год.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"