МІНСК, 29 лют – Sputnik. Высакахуткасная чыгуначная магістраль (ВХМ) злучыць Маскву з рознымі гарадамі Расіі, а таксама з Мінскам, пра гэта заявіў расійскі лідар Уладзімір Пуцін падчас выступлення са штогадовым пасланнем да Федэральнага сходу.
Ён адзначыў, што першы маршрут ВХМ звяжа Маскву і Санкт-Пецярбург, пройдзе ён праз Цвер і Ноўгарад.
"Затым будзем пракладаць магістраль у Казань і на Урал, у Растоў-на-Доне, на Чарнаморскае ўзбярэжжа, у Мінск, у брацкую Беларусь, па іншых запатрабаваных кірунках", - сказаў Пуцін.
Акрамя таго, высакахуткасныя чыгуначныя магістралі плануюць будаваць ад Масквы да Разані, Казані, Екацярынбурга і Адлера.
Прэзідэнт разлічвае, што бізнес таксама прыме актыўны ўдзел у гэтым праекце.
У жніўні 2023 года Пуцін заяўляў, што абмяркуе з беларускім калегам стварэнне такой высакахуткаснай магістралі паміж сталіцамі дзвюх саюзных краін.
У лютым 2024 года стала вядома, што прэзідэнт Беларусі Аляксандр Лукашэнка падтрымаў ідэю стварэння высакахуткаснай магістралі Масква – Мінск.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"