МІНСК, 4 сак – Sputnik. Беларусь разлічвае стаць паўнапраўным членам Шанхайскай арганізацыі супрацоўніцтва (ШАС) у ліпені 2024 года, заявіў прэзідэнт рэспублікі Аляксандр Лукашэнка на сустрэчы з паслом Казахстана ў Мінску Ерланам Байжанавым.
"У ліпені ў Астане адбудзецца чарговае пасяджэнне Шанхайскай арганізацыі супрацоўніцтва. Было б вельмі сімвалічна, і мы б гэта віталі, калі б Беларусь менавіта ў Астане стала б паўнацэнным членам ШАС", - цытуе кіраўніка дзяржавы выданне "Беларусь сегодня".
Беларускі прэзідэнт таксама нагадаў, што сёлета менавіта Казахстан старшынствуе ў ШАС.
Раней Беларусь ратыфікавала шэраг дакументаў для ўступлення ў ШАС і далучылася да міжнародных пагадненняў у межах арганізацыі.
Міністр замежных спраў Беларусі Сяргей Алейнік раней правёў шэраг сустрэч з прадстаўнікамі краін ШАС, на якіх акцэнтаваў жаданне рэспублікі ўступіць у арганізацыю. У тым ліку, у канцы лютага перагаворы па гэтым пытанні адбыліся з намеснікам генеральнага сакратара ШАС Нурланам Ермекбаевым.
На гэты момант у Шанхайскую арганізацыю супрацоўніцтва ўваходзяць Індыя, Казахстан, Кітай, Кыргызстан, Расія, Таджыкістан, Пакістан, Іран і Узбекістан. Беларусь мае ў ёй статус назіральніка.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"