МІНСК, 5 сак – Sputnik. Спартсмены з абсалютна ўсіх краін будуць запрошаны на Сусветныя гульні дружбы, пра гэта заявіў генеральны дырэктар аргкамітэта спаборніцтваў Аляксей Сарокін.
Ён падкрэсліў, што дзялення ўдзельнікаў на спартсменаў з недружалюбных і дружалюбных краін не будзе.
"Калі мы будзем дзяліць такім чынам запрошаных намі атлетаў, гэта нас ні да чаго не прывядзе... Абсалютна з усіх краін – мы не будзем рабіць адрозненні, уводзіць нейкія дыскрымінацыйныя практыкі", - сказаў Сарокін агенцтву РІА Навіны.
Генеральны дырэктар аргкамітэта адзначыў, што ў гэтым і ёсць сэнс спаборніцтваў – калі кожны спартсмен выступае пад сваім сцягам і гімнам, і няма ніякіх адрозненняў па прыкмеце веравызнання ці расавай прыкмеце.
Гульні дружбы
Сусветныя Гульні дружбы пройдуць з 15 па 29 верасня 2024 года ў двух расійскіх гарадах – Маскве і Екацярынбургу.
Сталіца прыме турніры па 28 відах спорту, а ў Екацярынбургу пройдуць спаборніцтвы па плаванні, скачках у ваду, сінхронным плаванні, дзюдо, лёгкай атлетыцы і баскетболе (сярод жаночых каманд).
Як раней паведамляў віцэ-прэм’ер Расіі Дзмітрый Чарнышэнка, у Гульнях возьме ўдзел 6 300 атлетаў, якія разыграюць 283 камплекты ўзнагарод па 33 летніх відах спорту. Акрамя таго, чакаецца каля 2,5 тыс афіцыйных асоб.
Прызавы фонд спаборніцтваў павінен скласці 4,6 млрд рублёў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"