МІНСК, 6 сак – Sputnik. Масква супрацоўнічае і мае намер далей супрацоўнічаць з МАГАТЭ па ўсіх напрамках і ўдзячна агенцтву за сустрэчныя крокі, заявіў прэзідэнт РФ Уладзімір Пуцін, сустракаючыся ў сераду з гендырэктарам МАГАТЭ Рафаэлем Грасі.
Сярод такіх напрамкаў расійскі лідар назваў гарантаванне бяспекі і выкананне стандартаў бяспекі атамнай энергетыкі ва ўсім свеце.
"Мы гатовы і да далейшай работы па ўсіх гэтых напрамках, удзячны вам за сустрэчныя крокі па ўмацаванні сумеснай работы", - сказаў Пуцін.
Пры гэтым ён звярнуў увагу на тое, што Расія застаецца адным з безумоўных лідараў у сферы атамнай энергетыкі ў свеце.
"Не толькі эксплуатуем, актыўна развіваем атамную энергетыку, лічым яе экалагічна чыстым відам энергіі", - адзначыў прэзідэнт.
Пуцін таксама падзякаваў агенцтву "за сустрэчныя крокі па ўмацаванні сумеснай працы" і заявіў аб гатоўнасці РФ дзяліцца сваімі напрацоўкамі з усімі зацікаўленымі.
Як заявіў пазней прэс-сакратар расійскага лідара, размова Пуціна і Грасі, у якой таксама ўдзельнічаў кіраўнік "Росатома" Аляксей Ліхачоў, доўжылася каля гадзіны.
"Безумоўна, (сустрэча - Sputnik) была канструктыўнай", - сказаў Пяскоў РІА Навіны.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"