Цяперашняя электаральная кампанія ў РФ – гэта навука для Беларусі напярэдадні выбараў 2025 года, заявіў прэзідэнт Беларусі на нарадзе, прысвечанай падрыхтоўцы УНС.
Беларускі лідар даручыў максімальна ўважліва вывучыць, як рыхтаваліся і праводзіліся расійскія выбары, а аб сваім расійскім калегу сказаў, што Уладзімір Пуцін "неймаверна шмат" працаваў у ходзе перадвыбарнай кампаніі, калі асабіста аб’ехаў усю тэрыторыю Расіі, адказваючы на актуальныя пытанні суайчыннікаў.
"Ёсць чаму павучыцца. Мабілізаваны і з’яднаны былі ўсе – па плане Адміністрацыі прэзідэнта. Усе патрыятычна выступілі і выдалі выдатны вынік. Для нас гэта ўрок", - адзначыў беларускі прэзідэнт.
Ён таксама расказаў, што па дамоўленасці з расійскім прэзідэнтам беларусы будуць уключаны ва ўсе расійскія праграмы, аб запуску якіх Пуцін аб’явіў, выступаючы з пасланнем Федэральнаму сходу.
Аб’ём гэтых планаў – каля 9 трлн рублёў, і грамадзяне Беларусі ў іх могуць быць задзейнічаны, адзначыў беларускі лідар.
У сумесных планах беларускага і расійскага боку – таксама будаўніцтва высакахуткаснай чыгуначнай магістралі, пра што Пуцін таксама казаў у пасланні. Яна пойдзе "ад Масквы праз Мінск і, як я яго прашу, да Брэста", дадаў Лукашэнка.
Паводле слоў беларускага лідара, сумесная работа чакаецца вялікая, "але нам трэба будзе прайсці яшчэ і свае выбары ў 2025 годзе".
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"