МІНСК, 21 сак – Sputnik. Палата прадстаўнікоў Беларусі прыняла ў другім чытанні папраўкі ў заканадаўства па пытаннях прадпрымальніцкай дзейнасці, паведамляе прэс-служба ніжняй палаты парламента.
"З 1 кастрычніка 2024 года ўводзіцца забарона на рэгістрацыю новых індывідуальных прадпрымальнікаў", - растлумачылі ў парламенце.
Прадугледжваецца, што астатнія індывідуальныя прадпрымальнікі (ІП) павінны перайсці ў статус юрыдычных асоб да 31 снежня 2025 года. Ім прапанавана зрабіць гэта па спрошчанай схеме на працягу аднаго працоўнага дня.
Таксама ўстаноўлена, што малыя юрыдычныя асобы – гэта кампаніі з калектывам да 100 чалавек, сярэднія – з колькасцю да 250 работнікаў, буйныя – з колькасцю звыш 250.
Застаецца магчымасць ажыццяўляць некаторыя віды дробнага бізнесу без стварэння юрыдычнай асобы. Напрыклад, фізічныя асобы змогуць займацца рамесніцтвам або трымаць аграэкасядзібы.
"Прадугледжваецца перагляд відаў дзейнасці, якія будуць даступны для ажыццяўлення рамеснікам і самазанятым грамадзянам", - дадалі ў парламенце.
Чакаецца, што Савет міністраў прыме адпаведны адзіны пералік відаў дзейнасці.
Гэты закон зараз павінен адобрыць Савет Рэспублікі, затым ён будзе перададзены на подпіс прэзідэнту Беларусі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"