МІНСК, 26 сак – Sputnik. Прэзідэнт Беларусі Аляксандр Лукашэнка павіншаваў свайго бангладэшскага калегу Махамеда Шахабуддзіна і ўсіх жыхароў гэтай краіны з нацыянальным святам – Днём Незалежнасці, аб гэтым паведаміла прэс-служба беларускага лідара.
Як адзначаецца ў тэксце, Мінск разглядае ўмацаванне дружалюбных адносін з Бангладэш як важны напрамак знешняй палітыкі Беларусі ў Паўднёвай Азіі.
"Мы зацікаўлены не толькі пашырыць наменклатуру экспарту на бангладэшскі рынак, але і ўнесці пасільны ўклад у развіццё прамысловага, сельскагаспадарчага і іншых сектараў эканомікі вашай дзяржавы", - адзначыў Лукашэнка.
Кіраўнік Беларусі таксама ўпэўнен, што пастаўкі ў Бангладэш калійных удабрэннеяў, пасажырскай і дарожна-будаўнічай тэхнікі, электратранспарту і трактароў будуць садзейнічаць прагрэсу, паляпшэнню ўзроўню жыцця, росту дабрабыту народа гэтай краіны. Гэтым мэтам таксама будзе садзейнічаць паглыбленне сувязей у сферах фармацэўтыкі, навукі і тэхналогій, мадэрнізацыі авіяцыйнай і іншай тэхнікі.
Беларускі лідар запрасіў Шахабуддзіна наведаць Беларусь з афіцыйным візітам у зручны для яго час. Плануецца, што падчас візіту будуць абмяркоўвацца далейшыя меры па актывізацыі ўзаемавыгаднага супрацоўніцтва ў двухбаковым фармаце і на міжнародных пляцоўках.
Лукашэнка таксама пажадаў Шахабудзіну здароўя і поспехаў.
Двухбаковыя кансультацыі
Нагадаем, што ў сакавіку Беларусь і Бангладэш правялі двухбаковыя кансультацыі па актывізацыі супрацоўніцтва ў розных сферах.
У ходзе перагавораў паміж прадстаўнікамі знешнепалітычных ведамства краін бакі зрабілі асаблівы акцэнт на актывізацыі ўзаемадзеяння ў палітыцы, гандлі і эканоміцы, а таксама абмене дзелавымі візітамі.
Паводле звестак беларускага МЗС, былі дасягнуты дамоўленасці па кроках аб нарошчванні дыялогу, у тым ліку аб правядзенні другога пасяджэння сумеснай камісіі па эканамічным і гандлёвым супрацоўніцтве.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"