МІНСК, 27 сак – Sputnik. Тэрактам у "Крокус Сити Холл" супраць Расіі спрабавалі разыграць рэлігійны і нацыянальны фактар, заявіў патрыярх Маскоўскі і ўсяе Русі Кірыл на адкрыцці пазачарговага з’езда Сусветнага Рускага народнага сабора.
Ён параўнаў злачынства ў Падмаскоўі з НАТАўскімі бамбёжкамі Югаславіі.
"Як тады (падчас агрэсіі НАТА ў Югаславіі - Sputnik), так і зараз, разыгрываюцца сцэнарыі з выкарыстаннем рэлігійнага і міжнацыянальнага фактару", - сказаў прадстаяцель РПЦ.
Паводле яго слоў, такое заключэнне можна зрабіць, гледзячы на непасрэдных выканаўцаў тэракта, які быў учынены ў "Крокусе".
Разам з тым патрыярх падкрэсліў, што спробы злоснікаў Расіі пасеяць міжрэлігійную і міжнацыянальную варожасць разбіваюцца аб адзіныя падыходы праваслаўных і мусульман да маральных прынцыпаў.
Па словах кіраўніка РПЦ, ніякага рускага нацыяналізму і "ў прыродзе не існуе". Але размова аб ролі і важнасці рускага народа ў кантэксце захавання шматнацыянальнай Расіі важная і актуальная.
Папярэдні Сусветны рускі сабор прайшоў восенню 2023 года, на ім асноўнай тэмай былі пытанні міграцыі, адукацыі, а таксама дэмаграфіі ў Расіі.
Тады Патрыярх Кірыл заклікаў ацаніць наступствы міграцыйнай плыні ў Расію. Ён заяўляў, што міграцыйныя працэсы мяняюць аблічча расійскіх гарадоў, і гэтую акалічнасць нельга не ўлічваць.
Тэракт у "Крокусе"
У пятніцу вечарам зламыснікі адкрылі стральбу ў падмаскоўнай канцэртнай зале. Пазней у будынку пачаўся пажар, які прывёў да абвальвання даху.
Паводле апошніх звестак, у выніку тэракта загінулі 140 чалавек. Працэдура апазнавання цел вядзецца кругласутачна.
Усяго па справе аб тэракце затрыманы 11 чалавек, у тым ліку чацвёра мужчын, якія непасрэдна ўдзельнічалі ў тэракце. Маскоўскі суд арыштаваў Далерджона Мірзоева, Саідакрамі Рачабалізада, Фарыдуна Шамсідзіна і Мухамадсабіра Файзава. Ім прад’яўлена абвінавачанне ва ўчыненні тэракта, які прывёў да смерці, у складзе арганізаванай групы (п. "б" ч. 3 арт. 205 КК РФ).
Сілавікі працуюць над выкрыццём усёй базы саўдзельнікаў тэрарыстаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"