МІНСК, 28 сак – Sputnik. Нацыянальны банк павінен аказаць падтрымку ўраду ў пытанні стрымлівання росту цэн, заявіў кіраўнік Беларусі Аляксандр Лукашэнка ў палацы Незалежнасці на нарадзе па пытаннях работы банкаўскай сістэмы.
Паводле яго слоў, у рэспубліцы за інфляцыю і рост цэн на спажывецкім рынку адказвае не толькі ўрад, але і Нацбанк.
"Па маім даручэнні ўрад прыняў пэўныя меры да таго, каб узяць пад кантроль сістэму цэнаўтварэння", - нагадаў беларускі лідар.
Паводле яго назіранняў, беларускім уладам удалося ўзяць пад кантроль цэнаўтварэнне ў краіне.
"Сістэма кантролю за цэнаўтварэннем, за гэтым усім комплексам будзе толькі ўзмацняцца", - цытуе Лукашэнку БелТА.
Пасля чаго дадаў, што ўрад будзе займацца гэтым пытаннем і надалей, а Нацбанк са свайго боку таксама павінен зрабіць усё патрэбнае, каб беларусы не крыўдзіліся на ўлады з-за росту інфляцыі.
Кіраўнік дзяржавы запэўніў, што беларускія ўлады не стануць абмяжоўваць рост цэн у тых сферах, дзе ў гэтым няма патрэбы, але і не пакіне без увагі неабгрунтаваны іх рост.
"Мы хочам выпрацаваць стройную сістэму кантролю за цэнаўтварэннем. Камусьці гэта можа падабацца, камусьці – не. Але рашэнне мною прынята, і яно падлягае выкананню", - рэзюміраваў ён.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"