МІНСК, 2 кра – Sputnik. Заходнія дзяржавы ўмешваюцца ва ўнутраныя справы Беларусі і Расіі, спрабуючы іх пасварыць, заявіў дырэктар Службы знешняй разведкі Сяргей Нарышкін пасля пасяджэння калегій СЗР і КДБ.
"Праціўнік у асобе, перш за ўсё, спецслужбаў заходніх дзяржаў выкарыстоўвае любыя інструменты для таго, каб паспрабаваць пасварыць два нашы народы", - сказаў ён.
Па словах кіраўніка СЗР, заходнія спецслужбы ўмешваюцца ва ўнутраныя справы дзвюх дзяржаў, выкарыстоўваючы для гэтых мэт пазасістэмную апазіцыю.
"Шырокая прапагандысцкая кампанія разгорнута ў адносінах да Саюзнай дзяржавы, кібератакі і гэтак далей", - удакладніў Нарышкін.
Пры гэтым ён выказаў упэўненасць, што ў праціўніка нічога не выйдзе, таму што такая дзейнасць, разгорнутая супраць СД, толькі ўмацоўвае ўзаемадзеянне і адзінства Расіі і Беларусі.
Кіраўнік СЗР звярнуў увагу, што выклікі, з якімі сутыкаюцца дзве краіны, па сваім характары з’яўляюцца пастаяннымі.
"Безумоўна, само існаванне Саюзнай дзяржавы Расіі і Беларусі выклікае скрыгат зубоў у многіх заходніх сталіцах, і не толькі існаванне, а такое паступальнае і ўпэўненае развіццё", - канстатаваў ён.
Нарышкін запэўніў, што ўзаемадзеянне СЗР і КДБ Беларусі мае канструктыўны і даверны характар. Спецслужбы дзвюх краін вырашаюць задачы па выяўленні і спыненні пагроз СД.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"