МІНСК, 4 кра – Sputnik. Любая пагроза бяспецы з боку НАТА ў адрас Расіі не застанецца без адказу, пра гэта заявіў намеснік кіраўніка МЗС РФ Аляксандр Грушко.
"Любая пагроза бяспецы нашай краіны не застанецца без адказу", - сказаў ён у інтэрв’ю агенцтву РІА Навіны.
Дыпламат нагадаў пасланне прэзідэнта Расіі Уладзіміра Пуціна Федэральнаму сходу. У ім прэзідэнт заявіў, што "мы памятаем лёс тых, хто накіроўваў некалі свае кантынгенты на тэрыторыю нашай краіны, але зараз наступствы для магчымых інтэрвентаў будуць значна больш трагічнымі".
Авантуры краін НАТА
Грушко таксама адзначыў, што ўкраінскі крызіс можа выйсці за свае геаграфічныя рамкі ў выніку авантурных дзеянняў адной ці дзвюх краін НАТА і набыць зусім іншы маштаб.
На думку намесніка міністра, словы прэзідэнта Францыі Эмануэля Макрона, якія датычацца магчымай адпраўкі ваеннага кантынгенту ва Украіну "сведчаць аб гатоўнасці ісці па шляху эскалацыі ва ўмовах, калі сам Захад церпіць "на зямлі" стратэгічнае паражэенне".
Дыпламат нагадаў, што з гэтымі ідэямі не пагадзіліся і ў штаб-кватэры НАТА ў Бруселі, і ў Вашынгтоне, а таксама ў большасці іншых дзяржавах блока.
Грушко падкрэсліў, што такія заявы – якія б мэты яны не праследвалі – недапушчальны для адказных палітыкаў, асабліва ва ўмовах напружанага ваенна-палітычнага становішча ў Еўропе.
Прамы канфлікт
У апошні час на Захадзе ўсё часцей гучаць ідэі аб прамым узброеным канфлікце НАТА з Расіяй. Так, кіраўнік ваеннага камітэта НАТА Роб Бауэр у сакавіку заяўляў, што Паўночнаатлантычны альянс гатоў да канфлікту з Масквой, і гэта яго галоўная задача.
У Крамлі пры гэтым неаднаразова адзначалі, што Расія нікому не пагражае, але не пакіне без увагі дзеянні, якія ўяўляюць патэнцыяльную небяспеку яе інтарэсам.
Акрамя таго, у апошні час адзначаецца беспрэцэдэнтная актыўнасць НАТА каля заходніх меж Расіі. Масква не раз выказвала сваю занепакоенасць тым, што адбываецца.
У расійскім МЗС заяўлялі аб адкрытасці да дыялогу з НАТА, але на раўнапраўнай аснове. Пры гэтым Захад павінен адмовіцца ад імкнення мілітарызацыі кантынента.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"