МІНСК, 6 кра – Sputnik. Грыбы смаржкі і страчкі, якія з’яўляюцца вясной, адносяцца да катэгорыі ўмоўна ядомых, нагадалі ў Міністэрстве аховы здароўя Беларусі.
"Калі ў старых кулінарных кнігах сустракаецца шмат рэцэптаў са страчкамі, ад страў з гэтым прадстаўніком класа сумчатых (грыбоў - Sputnik) лепш усё ж адмовіцца. Сучасныя міколагі сцвярджаюць, што ў страчках змяшчаецца моцны яд гірамітрын, які не разбураецца і не пераходзіць у адвар нават пры працяглым іх кіпячэнні", - адзначылі ў ведамстве.
Там таксама падкрэслілі, што, калі смаржкі не праварыць, яны будуць утрымліваць гемалітычны яд монаметылгідразін.
Першыя прыкметы атручвання смаржкамі выяўляюцца праз 6-12 гадзін пасля прыёму ў ежу. У дзяцей і пацыентаў, якія пакутуюць захворваннямі страўнікава-кішачнага тракта, гэта можа быць ужо праз дзве гадзіны.
У цэлым, паводле даных Мінздароўя, у Беларусі за мінулы год зафіксаваны 68 выпадкаў атручэння грыбамі, пры якіх пацярпеў 81 чалавек. У чатырох выпадках наступіла смерць.
Аб тым, як адрозніць смаржкі і страчкі, чытайце ў даведцы Sputnik.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"