Экспазіцыю з 16 палотнаў адкрывае самая вядомая карціна "Вязень 32815". Большасць гісторыкаў, крытыкаў і мастацтвазнаўцаў сцвярджаюць, што гэта аўтапартрэт мастака, але канчатковы пункт у гэтай спрэчцы так і не пастаўлены.
Выстава карцін Міхаіла Андрэевіча Савіцкага з'яўляецца часткай пастаяннай экспазіцыі Музея гісторыі ВАВ. Савіцкі сам быў вязнем шэрага еўрапейскіх канцлагераў – Дзюсельдорфа, Бухенвальда, Дахау, цудам застаўся ў жывых.
"Лічбы на сэрцы" – гэта не толькі парадкавыя нумары вязняў канцэнтрацыйных лагераў. Назва гэтай серыі мае яшчэ адзін філасофскі сэнс – гэта колькасць людзей, якія загінулі ў канцлагерах.
"Гэтую серыю карцін мастак стварае праз 30 гадоў пасля заканчэння вайны. Яму спатрэбіўся такі працяглы час – некалькі дзесяцігоддзяў, каб унутры сябе ўсё перажыць – тыя жахі, што ён бачыў сам", - расказвае загадчыца культурна-адукацыйнага аддзела Беларускага дзяржаўнага музея гісторыі ВАВ Кацярына Катлоўская.
Кожная з назваў карцін серыі "Лічбы на сэрцы" напоўнена філасофскім сэнсам і ў нашы дні набывае новае гучанне – "Мадонна Біркенау", "Адбор", "Танец з факеламі", "Канада", "Наглядчык", "Летні тэатр", "Праклён".
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"