МІНСК, 12 кра – Sputnik. Расійскі прэзідэнт Уладзімір Пуцін узнагародзіў першую ў суверэннай гісторыі Беларусі жанчыну-касманаўта Марыну Васілеўскую ордэнам Гагарына, адпаведны ўказ быў апублікаваны ў пятніцу.
"За вялікі ўклад у развіццё пілатуемай касманаўтыкі і мужнасць, праяўленую пры ажыццяўленні працяглага касмічнага палёту на Міжнароднай касмічнай станцыі, узнагародзіць ордэнам Гагарына Васілеўскую Марыну Вітальеўну – члена экіпажа Міжнароднай касмічнай станцыі, грамадзянку Беларусі", - гаворыцца ў тэксце дакумента.
Там таксама адзначаецца, што аналагічную ўзнагароду атрымаў ураджэнец рэспублікі – Алег Навіцкі, які лятаў на МКС разам з Васілеўскай.
Першы касманаўт ад Беларусі
Васілеўская – першая грамадзянка Беларусі, якая адправілася ў космас. Стартаваў карабель "Союз МС-25" 23 сакавіка, на борце таксама знаходзіліся Алег Навіцкі і астранаўт NASA Трэйсі Дайсан. Палёт заняў двое сутак, стыкоўка з МКС адбылася ў 18:03 мск (супадае з мінскім часам) 25 сакавіка. У праграму знаходжання яе на МКС уваходзіў шэраг навуковых эксперыментаў.
Васілеўская, а таксама яе дублёр Анастасія Лянкова, паводле нядаўна прынятага ўказу прэзідэнта Беларусі, афіцыйна лічацца беларускімі касманаўтамі.
У чацвер, 11 красавіка, першай беларускай жанчыне-касманаўту было прысвоена званне Героя Беларусі – залатую зорку ёй уручыў прэзідэнт Аляксандр Лукашэнка ў Палацы Незалежнасці.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"