МІНСК, 8 мая – Sputnik. Прэзідэнт Расіі Уладзімір Пуцін павіншаваў калег з шэрага краін з 79-й гадавінай Перамогі ў Вялікай Айчыннай вайне, паведамляецца на сайце Крамля.
Віншаванні ад расійскага кіраўніка дзяржавы атрымалі лідары Азербайджана, Арменіі, Беларусі, Казахстана, Кыргызстана, Таджыкістана, Туркменістана, Узбекістана, Абхазіі, Паўднёвай Асеціі, а таксама народы Грузіі і Малдовы.
У віншавальнай тэлеграме гаворыцца, што важна спыняць любыя спробы скажэння "нашай агульнай гісторыі". Пуцін заклікаў беражліва захоўваць і перадаваць з пакалення ў пакаленне традыцыі дружбы і ўзаемадапамогі, якія дапамаглі людзям вытрымаць няпростыя ваенныя выпрабаванні і знішчыць нацызм.
Расійскі лідар выказаў упэўненасць, што вузы брацкай дружбы, загартаваныя ў гады ВАВ, будуць заставацца надзейнай асновай для развіцця адносін "паміж нашымі краінамі і народамі".
Прэзідэнт РФ, звяртаючыся да лідараў і грамадзян замежных краін, пажадаў здароўя, дабрабыту і даўгалецця ветэранам і працаўнікам тылу.
Раней паведамлялася, што прэзідэнт Беларусі Аляксандр Лукашэнка і шэраг лідараў іншых дзяржаў будуць назіраць за парадам Перамогі на Краснай плошчы ў Маскве. Пасля чаго беларускі лідар вернецца ў Мінск, дзе прыме ўдзел ва ўрачыстых мерапрыемствах на Плошчы Перамогі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"