МІНСК, 15 мая – Sputnik. Прэм’ер-міністр Славакіі Роберт Фіца атрымаў раненне ў выніку замаху, пра гэта паведамляе славацкае выданне Pravda.
Інцыдэнт адбыўся, як паведамляецца, пасля выязнога пасяджэння Кабміна Славакіі ў горадзе Гандлава, калі Фіца выйшаў да грамадскасці.
"Роберта Фіца ранілі пасля выязнога пасяджэння ўрада", - адзначае выданне.
Паводле інфармацыі Pravda, нападаючы стрэліў у Фіца некалькі разоў. Паліцыя затрымала злачынца.
Самога прэм’ера Славакіі павезла хуткая дапамога. Аб стане Фіца пакуль інфармацыі няма, па некаторых даных ён атрымаў раненні ў брушную поласць і грудзі.
Роберт Фіца ўзначальвае ўрад Славакіі з 25 кастрычніка 2023 года. Гэта яго трэці тэрмін на пасадзе прэм’ера, раней Фіца кіраваў урадам краіны з ліпеня 2006 па ліпень 2010 года і з красавіка 2012-га па канец сакавіка 2018-га.
Незадоўга да замаху, Фіца, выступаючы на цырымоніі, прысвечанай Дню Перамогі, які святкуецца ў Славакіі 8 мая, адхіліў магчымасць адпраўкі славацкіх ваенных ва Украіну і раскрытыкаваў падыход краін Еўрасаюза да ўкраінскага крызісу ў цэлым. Ён таксама заявіў, што абвяргае любыя скажэнні гісторыі і лічыць, што найбольшая заслуга ў Перамозе ў Другой сусветнай вайне належыць Чырвонай арміі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"