МІНСК, 22 мая – Sputnik. Пры адпраўцы ва Украіну французскіх войск расійскі бок прыме меры ў адказ і не толькі ў палітычнай плоскасці, заявіў у кіраўнік першага еўрапейскага дэпартамента знешнепалітычнага ведамства Расіі Арцём Студэннікаў.
"Вы пытаецеся аб нашай магчымай дыпламатычнай рэакцыі, але ж відавочна, што ў выпадку рэалізацыі падобнага сцэнарыя меры ў адказ будуць ляжаць далёка не толькі ў палітычнай плоскасці. Не раз прама папярэджвалі аб гэтым французскі бок", - сказаў кіраўнік дэпартамента ў інтэрв’ю РІА Навіны.
Пры гэтым дыпламат падкрэсліў, што "ўсё больш ваяўнічая рыторыка" французскага лідара Эмануэля Макрона не знаходзіць шырокай падтрымкі ў саюзнікаў па Еўрасаюзе і нават выклікае абурэнне ў большасці французаў. Аднак Масква ўсё роўна сур’ёзна ставіцца да заяў Парыжа.
Як растлумачыў Студэннікаў, удзел Францыі ў баявых дзеяннях на тэрыторыі Украіны афіцыйна зробіць яе адным з бакоў канфлікту, а гэта ў сваю чаргу ў разы павялічыць рызыку сутыкнення дзвюх ядзерных дзяржаў. Пры гэтым французскія вайскоўцы "стануць законнымі цэлямі" для расійскай арміі.
Разам з тым субяседнік выказаў надзею, што ў французскіх кіруючых колах возьме верх "калі не разважнасць, то хаця б інстынкт самазахавання". Аднак расійскі бок, паводле яго слоў, гатоў да любога развіцця падзей.
Рыторыка Макрона
У пачатку мая французскі прэзідэнт Эмануэль Макрон завіў, што Францыя не выключае магчымасці адпраўкі сваіх войск на тэрыторыю Украіну, калі Расія прарве лінію фронту, а ад Кіева паступіць такая просьба.
Пры гэтым французскі лідар сцвярджае, што многія краіны Еўрасаюза нібыта пагадзіліся з такім падыходам.
Разам з тым, прэс-сакратар расійскага прэзідэнта Дзмітрый Пяскоў назваў небяспечнай і важнай такую заяву Макрона.
"Заява вельмі важная. Яна вельмі важная і вельмі небяспечная", - сказаў Пяскоў.
Раней у Маскве з гэтай нагоды неаднаразова паведамлялі, што ў выпадку, калі ва Украіну будуць адпраўлены заходнія войскі, прамы ваенны канфлікт паміж НАТА і Расіяй непазбежны.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"