МІНСК, 30 мая – Sputnik. Сёння прайшла трэніроўка па рэсурсным забеспячэнні пажарнага аварыйна-выратавальнага атрада Гомельскага абласнога ўпраўлення МНС, расказаў першы намеснік міністра МНС Аляксандр Худалееў.
Паводле яго слоў, на працягу некалькіх дзён у Гомельскай вобласці адпрацоўваліся элементы дзеянняў па пераводзе на ваенны час з удзелам МНС і фарміраванняў грамадзянскай абароны.
"Праверана гатоўнасць спецыяльных фарміраванняў, іх укамплектаванасць і інш. У цэлым сістэма рэгіёна гатова пры неабходнасці да пераводу на ваенны час", - цытуе Аляксандра Худалеева БелТА.
У МНС адзначылі, што трэба ўнесці ў гэту работу аператыўныя карэкціроўкі, якія дадуць магчымасць у цэлым рэалізоўваць і забяспечваць падрыхтоўку і пераход на становішча ваеннага часу.
Падчас трэніроўкі ў Гомелі правяралі, як узаемадзейнічаюць паміж сабой усе элементы ваеннага складальніка. Таксама былі вызначаны перспектыўныя напрамкі па ўдасканаленні гэтай работы.
Раней стала вядома, што ў Лельчыцкім раёне была праведзена вучэбная эвакуацыя цэлага населенага пункта. Мясцовыя ўлады справіліся з задачай за паўгадзіны.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"