МІНСК, 8 чэр – Sputnik. Самы доўгі падвесны мост у Беларусі хутка зноў прыме турыстаў, гаворыцца ў паведамленні Telegram-канала Гродзенскага аблвыканкама "Пул 4 Рэгіён".
Турыстычная славутасць знаходзіцца ў горадзе Масты. Падвесны мост злучае два берагі ракі Нёман. Агульная працягласць яго складае 193 метры. Цяпер гэты мост з’яўляецца самым доўгім з падвесных у рэспубліцы.
У прэс-службе Гродзенскага аблвыканкама адзначылі, што падвесны мост апошні раз закрываўся на рэканструкцыю ў 1990-я гады.
Цяпер завяршэнне работ па рэканструкцыі моста залежыць ад хуткасці пастаўкі новых стальных канатаў, што можа заняць да шасці месяцаў.
"Плануецца на працягу 10 метраў па сярэдзіне моста драўляную падлогу замяніць на шкляную", - гаворыцца ў паведамленні Telegram-канала "Пул 4 Рэгіён".
Паводле афіцыйнай інфармацыі, усяго ў Беларусі налічваецца дзевяць дзеючых падвесных мастоў. Пешаходны падвесны мост ёсць у Полацку, Бешанковічах, вёсцы Шаркі, Верхнядзвінску, вёсцы Сар’я, у Мядзельскім раёне паміж азёрамі Глубелька і Балдук. Ёсць яшчэ 3 падвесныя масты, якія разгойдваюцца, – над ракой Нарачанка ў Вілейскім раёне.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"