МІНСК, 14 чэр – Sputnik. Пагадненні аб гарантыях бяспекі паміж Украінай і ЗША не маюць юрыдычнай сілы, аб гэтым заявіла афіцыйны прадстаўнік МЗС Расіі Марыя Захарава.
Напярэдадні Вашынгтон і Кіеў падпісалі пагадненне аб гарантыях бяспекі. Подпісы пад дакументам паставілі Джо Байдэн і Уладзімір Зяленскі, чый тэрмін паўнамоцтваў скончыўся ў канцы мая.
ЗША сталі 16-й краінай, якая падпісала пагадненне такога кшталту з Украінай.
"Справа ў тым, што гэта звычайныя паперкі", - сказала Захарава журналістам.
Паводле яе слоў, часам значна важней нават некаторыя прэс-рэлізы, бо яны сама меней нясуць у сабе нейкую сутнасць.
"Гэтыя пагадненні ні пра што, яны не маюць юрыдычнай сілы", - мяркуе дыпламат.
На думку прадстаўніка МЗС, гэтыя паперы патрэбны для таго, каб дэманстраваць грамадзянам, якія засталіся ва Украіне, "што быццам сусветная супольнасць з імі".
"У тым ліку, я думаю, што гэта ім трэба, каб прыехаць на так званую канферэнцыю ў Швейцарыі з нейкімі напрацоўкамі, зноў жа квазіюрыдычнага характару", - дадала яна.
Захарава мяркуе, што такім чынам Захад нібыта паказвае падтрымку кіеўскага рэжыму на палітычным узроўні, аднак на справе юрыдычна здымае з сябе адказнасць за будучыню Украіны.
Нагадаем, што 15-16 чэрвеня ў Швейцарыі пройдзе канферэнцыя па Украіне. Удзел у ёй прымуць амаль 90 краін. Шэраг запрошаных ужо адмовіліся ад удзелу, у прыватнасці Саудаўская Аравія і Кітай, а некаторыя дзяржавы прадставяць чыноўнікі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"