МІНСК, 17 чэр – Sputnik. Ліцэю БДУ ў Мінску афіцыйна прысвоена імя Фелікса Дзяржынскага, паведаміў у панядзелак Telegram-канал навучальнай установы.
"Загадам БДУ №408-ОД Ліцэю БДУ прысвоена імя выдатнага ўраджэнца беларускай зямлі Фелікса Эдмундавіча Дзяржынскага", - гаворыцца ў паведамленні.
Там таксама адзначаецца, што ліцэй выказвае падзяку Міністэрству адукацыі і Беларускаму дзяржаўнаму ўніверсітэту за падтрымку ініцыятывы калектыву ўстановы.
Нагадаем, у сакавіку бягучага года дырэктар ліцэя Таццяна Мамчыц перадала рэктару БДУ Андрэю Каралю калектыўны зварот ад супрацоўнікаў, якія прапануюць прысвоіць навучальнай установе імя Дзяржынскага.
Фелікс Дзяржынскі – вядомы савецкі дзяржаўны дзеяч. Ён стаяў каля вытокаў стварэння службы дзяржбяспекі. У Мінску ў яго памяць названы праспект, а помнік знаходзіцца насупраць будынка КДБ.
Акрамя таго, Брэсцкая пагранічная Чырванасцяжная група носіць яго імя. Яно прысвоена за высокія паказчыкі ў службе, баявой і палітычнай падрыхтоўцы.
Нарадзіўся Дзяржынскі ў маёнтку Дзяржынава ў Стаўбцоўскім раёне Мінскай вобласці. Цяпер там працуе музей-сядзіба.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"