МІНСК, 20 чэр – Sputnik. Курс беларускага рубля ў асноўным залежыць ад расійскага, заявіў старшыня праўлення Нацбанка Беларусі Павел Калаур на сумесным пасяджэнні абедзвюх палат беларускага парламента, перадае карэспандэнт Sputnik.
"... За 2023 год афіцыйны курс беларускага рубля ў адносінах да расійскага ўмацаваўся на 7,5%; да долара ЗША – знізіўся на 16,1%; да кітайскага юаня знізіўся на 15%", - паведаміў кіраўнік Нацбанка.
Грашовая маса
Таксама ў мінулым годзе прырост сярэдняй шырокай грашовай масы за мінулы год склаў 28,1%. У тым ліку сярэдняя рублёвая маса вырасла на 35,4%.
Пры гэтым паэтапнае зніжэнне стаўкі рэфінансавання на 2,5% у мінулым годзе паўплывала на стаўкі па крэдытах. Сярэдняя працэнтная стаўка па новых крэдытах для юрыдычных асоб у беларускіх рублях зменшылася.
Утрымаць інфляцыю
Калаур адзначыў таксама, што ў мінулым годзе ўдалося ўтрымаць інфляцыю на ўзроўні менш запланаванага: гадавы рост цэн склаў 5,8% пры арыенціры 7-8%.
"Пры гэтым цэны і тарыфы, якія ўваходзяць у разлік базавай інфляцыі, за год выраслі на 3,8%", - дадаў Калаур.
Ён удакладніў, што гэты паказчык не ўлічвае дынаміку цэн і тарыфаў, якія ўстанаўліваюцца дзяржавай, а таксама змяненне цэн на сезонныя тавары.
Кіраўнік Нацбанка дадаў, што рост інфляцыі запавольваўся ў тым ліку, дзякуючы правілам па цэнах, якія ўрад увёў у кастрычніку 2022 года.
"Яна (сістэма рэгулявання цэн - Sputnik) абмежавала практыку ўліку ў цэнаўтварэнні неапраўдана завышаных рызык і выдаткаў", - лічыць Калаур.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"