МІНСК, 1 ліп – Sputnik. Фотавыставы "Вызваленне. Шлях да Перамогі" адкрываюцца ў Мінску і Барысаве 1 ліпеня.
Аснову экспазіцыі складаюць кадры, зробленыя фотакарэспандэнтамі Саўінфармбюро на тэрыторыі Беларускай ССР у ходзе аперацыі "Баграціён" у 1944 годзе. Асноўны акцэнт – на асобах вызваліцеляў і мірных грамадзян, якія прыступаюць да аднаўлення разбуранай вайной краіны.
Выстава "Вызваленне. Шлях да Перамогі"
© Sputnik
Дзякуючы сучасным медыятэхналогіям гледачы змогуць не толькі ўбачыць рарытэтныя фота, але і, перайшоўшы па QR-кодзе, праслухаць на сваіх смартфонах эпізоды тэматычнага радыёпадкаста на тэму вызвалення Беларусі.
Медыягрупа "Россия сегодня" з’яўляецца правапераемніцай Саўінфармбюро і ў Беларусі прадстаўлена інфармацыйным агенцтвам і радыё Sputnik Беларусь, для якога арганізацыя выставак на тэму ВАВ стала ўжо традыцыяй. Цяперашнія выстаўкі праводзяцца пры падтрымцы расійскага Прэзідэнцкага фонду культурных ініцыятыў, Беларускага дзяржаўнага педагагічнага ўніверсітэта, Барысаўскага райвыканкама.
Выставы даступны ў мінскім Парку Перамогі і Барысаўскай цэнтральнай бібліятэцы імя І.Х. Каладзеева. Пазней з экспазіцыяй змогуць азнаёміцца жыхары Віцебска і госці фестывалю "Славянскі базар".
Sputnik штодня публікуе зводкі Саўінфармбюро аб ходзе аперацыі "Баграціён". Падрабязнасці чытайце ў матэрыялах агенцтва.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"