МІНСК, 2 ліп – Sputnik. Беларускі лідар Аляксандр Лукашэнка ўручыў напярэдадні 3 ліпеня дзяржаўныя ўзнагароды, піша Telegram-канал Пул Першага.
Урачыстая цырымонія ўзнагароджання прайшла напярэдадні галоўнага дзяржаўнага свята – Дня Незалежнасці.
Прэзідэнт адзначыў, што гэта святая дата, з якой у краіне вядуць адлік гадам мірнага жыцця. Пры гэтым кіраўнік дзяржавы звярнуў увагу, што сёлета сярод тых, каму ўручаны заслужаныя ўзнагароды, шмат людзей у пагонах, якія прадстаўляюць усе сілавыя ведамствы рэспублікі.
"Мы бачылі гэта ў 2020 годзе. Сілавікі, як сапраўдныя атланты, трымаюць на сваіх плячах чыстае неба нашай краіны. І абавязкова ўтрымаюць", - цытуе Лукашэнку Telegram-канал Пул Першага.
Пры гэтым ён выказаў меркаванне, што "на грамадзянцы" спецыялісты таксама па законах ваеннага часу павінны працаваць з поўнай самааддачай. Кіраўнік дзяржавы акцэнтаваў увагу, што пасля атрымання незалежнасці ўсе грамадзяне разам пабудавалі народную дзяржаву.
"І зараз, як бы ні было цяжка, наша чарга пісаць новыя старонкі беларускай гісторыі – яркія, шчаслівыя, і абавязкова мірныя. Час выбраў нас", - рэзюміраваў Лукашэнка.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"