МІНСК, 9 ліп – Sputnik. Шосты па ліку бронепрабег "Дарога мужнасці" стартаваў у Маскве, паведамляе РІА Навіны.
Калона з дэмілітарызаванай ваеннай тэхнікай выехала з Паклоннай гары і накіравалася ў бок Беларусі. Яна пройдзе па маршруце Масква – Вязьма – Смаленск – Орша – Александрыя – Магілёў – Смаленск – Вязьма – Масква. Увесь шлях складзе больш за 1250 км і зойме тыдзень – з 9 па 16 ліпеня.
Удзельнікі прабегу перамяшчаюцца на адрэстаўраваных БРДМ-1, БРДМ-2, БТР-40, "Кацюшах", якія стаялі на ўзбраенні савецкай арміі, а таксама на аўтамабілях ГАЗ-69, ГАЗ-24 "Волга", ГАЗ-67, УАЗ-469, ЗІС-151, ЗІС-5 і іншых. Суправаджаюць калону вайскоўцы ваеннай аўтамабільнай інспекцыі Расгвардыі.
Мерапрыемства арганізавана Ваенна-тэхнічным таварыствам, сёлета бронепрабег прысвечаны 80-годдзю аперацыі "Баграціён" і вызвалення Беларусі ад нямецка-фашысцкіх захопнікаў.
Першы бронепрабег "Дарога Мужнасці" адбыўся ў чэрвені 2017 года і ўвайшоў у Кнігу рэкордаў Расіі як самы працяглы марш-кідок, які здзяйсняецца на бронетэхніцы ў мірны час. Тады за пяць дзён калона з 15 адзінак тэхнікі пераадолела амаль 2400 кіламетраў па Расіі і Беларусі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"