На паўночны захад ад горада Полацк нашы войскі авалодалі раённым цэнтрам Віцебскай вобласці горадам Дрыса, а таксама з баямі занялі больш за 20 іншых населеных пунктаў, у ліку якіх Саломіна, Задзежжа, Казлоўшчына, Бароўка і чыгуначная станцыя Дрыса.
На паўднёвы захад ад горада Ліда нашы войскі, працягваючы наступленне, авалодалі раённым цэнтрам Баранавіцкай вобласці горадам Шчучын і занялі больш за 60 іншых населеных пунктаў, у ліку якіх Астрына, Каменка, Ражанка, Мікелеўшчына, Сухінічы, Занеменск, Зэльвяны, Масты, Пяскі, Самаровічы і станцыі Скшыбаўцы, Жалудон, Ражанка, Масты.
На захад і паўднёвы-захад ад горада Слонім нашы войскі з баямі прасоўваліся наперад і авалодалі раённым цэнтрам Брэсцкай вобласці горадам Ружаны, а таксама занялі больш за 70 іншых населеных пунктаў, у ліку якіх буйныя населеныя пункты Янаўшчызна, Мендзыжач, Бязводна, Куляны, Баяры, Лыскуў, Смаляніца, Спорув.
За 12 ліпеня нашы войскі на ўсіх франтах падбілі і знішчылі 26 нямецкіх танкаў. У паветраных баях і агнём зенітнай артылерыі збіта 15 самалётаў праціўніка.
Кінутая і знішчаная тэхніка 9-й нямецкай арміі на дарозе пад Цітоўкай/Бабруйскам
© Photo : Public Domain
.jpg?uselang=ru){kind=link}
* * *
На паўднёвы захад ад горада Ліда нашы войскі, працягваючы наступленне, авалодалі раённым цэнтрам Баранавіцкай вобласці горадам Шчучын, а таксама занялі шэраг іншых населеных пунктаў. Падчас баёў знішчана звыш 1.000 салдат і афіцэраў праціўніка. Узята ў палон 340 немцаў. Захоплены трафеі, у ліку якіх 12 гармат, 62 кулямёты, пантонны парк і іншая ваенная маёмасць.
* * *
На паўднёвы захад ад горада Слонім нашы войскі, зламаўшы супраціўленне праціўніка, авалодалі важным вузлом шашэйных дарог горадам Ружаны. Развіваючы поспех, савецкія байцы прасунуліся на 20 кіламетраў на захад і занялі населены пункт Лыскуў. У гэтым раёне знішчана 4 танкі, 3 самаходныя гарматы і 35 аўтамашын праціўніка. Захоплены ў немцаў 2 танкі "Тыгр", 6 палявых гармат і два склады боепрыпасаў.
* * *
Беларускі партызанскі атрад імя Сталіна атакаваў калону немцаў, якія адступалі пад ударамі Чырвонай Арміі. Савецкія патрыёты вынішчылі 120 варожых салдат і афіцэраў, захапілі палонных, дакументы 217-га нямецкага грэнадзёрскага палка і іншыя трафеі. Партызанамі на працягу тыдня ўзята ў палон больш за 200 гітлераўцаў.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"