МІНСК, 17 ліп – Sputnik. Валавы ўнутраны прадукт Беларусі вырас на пяць працэнтаў за шэсць месяцаў бягучага года, паведамілі ў прэс-службе Нацыянальнага статыстычнага камітэта.
"Аб’ём ВУП у бягучых цэнах склаў 113,8 млрд рублёў, ці ў супастаўных цэнах 105% да ўзроўню першага паўгоддзя 2023 года", - гаворыцца ў паведамленні ведамства.
Раней у Мінэканомікі інфармавалі, што па выніках студзеня-красавіка ВУП краіны павялічыўся на 5,1%. Пазней прэм’ер-міністр Раман Галоўчанка расказаў, што за першыя пяць месяцаў бягучага года беларуская эканоміка вырасла на 5,2%. Атрымліваецца, што рост ВУП пачынае запавольвацца.
Пры гэтым беларуская эканоміка ўсё роўна дэманструе ўпэўнены рост, які цяпер вышэй за прагнозныя паказчыкі.
У бягучым годзе ўлады рэспублікі паставілі перад сабой задачу, згодна з якой валавы ўнутраны прадукт павінен па выніках года вырасці на 3,8%. У мінулым годзе ВУП павялічыўся на 3,9%.
У пераліку на долары па курсе Нацбанка на 17 ліпеня ВУП рэспублікі склаў каля 35,5 млрд долараў. Самы вялікі ўзровень валавога ўнутранага прадукту рэспубліка прадэманстравала ў 2014 годзе, калі гэты паказчык дасягнуў лічбы 78 млрд долараў.
На пачатку чарговай пяцігодкі ў 2018 годзе беларускія ўлады ставілі перад сабой задачу давесці гэты паказчык да лічбы ў 100 млрд долараў.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"