МІНСК, 6 жні – Sputnik. Геаграфія ўязных турыстаў пашыраецца пасля нядаўняга пашырэння бязвізу, паведаміў журналістам дырэктар Нацыянальнага агенцтва па турызме Дзмітрый Марозаў.
"Большасць замежных гасцей – гэта грамадзяне Расійскай Федэрацыі, але пакрысе – найшырэйшая палітра, гэта значыць бязвіз сапраўды працуе. Турысты ім карыстаюцца, прыязджаюць... Аб’екты размяшчэння ў абсалютнай сваёй большасці загружаны вельмі", - сказаў Марозаў.
Многія гасцініцы і іншыя аб’екты размяшчэння, паводле яго слоў, "дасягнулі свайго максімуму па ўмяшчальнасці". Дырэктар агенцтва лічыць, што таму важна развіваць рэгіянальны турызм для перанакіравання і размеркавання патокаў гасцей.
"…Каб сапраўды гэтую нагрузку (зняць - Sputnik) на буйныя турыстычныя цэнтры, да якіх адносіцца і Мінск, і абласныя цэнтры, і буйныя раённыя – той жа Полацк, напрыклад, Навагрудак, Пінск", - адзначыў Марозаў.
Ён таксама звярнуў увагу на тое, што гасцямі напоўнены многія аграсядзібы і турыстычныя базы. Прычым ёсць турысты, якія на этапе высялення браніруюць месцы ўжо на наступны год.
Як паведамлялася, 19 ліпеня гэтага года быў пашыраны бязвізавы рэжым уезду ў Беларусь. Да гэтага, з 2022-га, ён дзейнічаў для грамадзян Польшчы, Літвы і Латвіі, а зараз распаўсюджаны яшчэ на 35 краін.
У мінулым такі рэжым уводзіўся ў Нацыянальным аэрапорце Мінск, а зараз можна прыбыць праз сухапутныя пункты пропуску і знаходзіцца ў рэспубліцы без візы да 30 сутак. За два тыдні, паводле звестак Дзяржпагранкамітэта, па бязвізе ў краіну ўехалі 12 тысяч іншаземцаў.
Акрамя грамадзян Польшчы, Літвы, Латвіі (а таксама неграмадзян) гэта яшчэ каля тысячы чалавек з еўрапейскіх краін (8% ад агульнага патоку). Большасць з апошніх – уладальнікі пашпартоў Германіі і Эстоніі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"