Гісторыя вандровак пачалася з моманту паступлення ў расійскую ВНУ РТУ МІРЭА, і за час вучобы субяседнік Sputnik паспеў пабываць ужо ў 15 экспедыцыях, у тым ліку, і самых аддаленых кутках Расіі.
"З гэтага года стала магчыма, што кожны студэнт расійскай ВНУ можа стаць удзельнікам Студэнцкага экспедыцыйнага корпуса "Команда Арктики" і далучыцца да нашых экспедыцый – мы падарожнічаем па ўсёй Расіі, пачынаючы ад Калінінграда і заканчваючы Камчаткай. У мінулым годзе дзяўчынкі зляталі ў Антарктыду, а мы сёлета пакарылі Паўночны полюс", - расказаў Іван.
За час студэнцкіх экспедыцый беларус ужо двойчы бываў у сібірскай тайзе ў знакамітай пустэльніцы Расіі Агаф’і Лыкавай, на Себежскім умацаваным раёне ўдзельнічаў у пошуках і пад’ёме астанкаў воінаў Вялікай Айчыннай вайны, наведваў Прыэльбруссе, Паўночную Асецію, Камчатку і Камандорскія астравы, мінулай зімой таксама адбылася экспедыцыя на ляднік Іган.
Асобная экспедыцыя і зусім асаблівыя адчуванні на Паўночным полюсе, адкуль субяседнік Sputnik толькі што вярнуўся.
"Там адчуваецца нейкі спакой, удзельнікі экспедыцыі таксама казалі, што яны натхніліся ў гэты момант, адчулі, што знаходзіцца ў цябе пад нагамі, калі ты ўяўляеш, што стаіш на вяршыні свету. Ты разумееш, чаго ты дасягнуў, дзе ты зараз знаходзішся, можаш зрабіць невялікае кола вакол сябе, і фактычна гэтае кругасветнае падарожжа", - падзяліўся Іван.
Па словах вандроўніка, калі група апынуўся на Паўночным полюсе, "усе тэлефоны і компасы проста звар’яцелі", але ў той жа час з надвор’ем пашанцавала як ніколі.
"Цяпер на Паўночным полюсе лета, і лёд невялікі – дзесьці паўтара-два метры. Для ледакола гэта ні пра што, таму што ён можа паламаць лёд таўшчынёй 3 метры. Па тэмпературы дастаткова цёпла – на самым Паўночным полюсе было дзесьці мінус 1. Нам сказалі, што мы настолькі шчаслівыя людзі, што мы ўпершыню, напэўна, за мінулыя пяць гадоў убачылі сонечнае надвор’е і яшчэ і вясёлку", - расказаў субяседнік.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"