МІНСК, 20 жні – Sputnik. Групоўкі войск "Белгарад", "Бранск" і "Курск" створаны ў Расіі, вынікае з інфармацыі абароннага ведамства РФ.
У паведамленні прэс-службы Мінабароны адзначаецца, што "за абарону грамадзян і тэрыторый ад атак беспілотных лятальных апаратаў і іншых сродкаў нападзення адказваюць прадстаўнік Генеральнага штаба УС РФ і камандуючыя групоўкамі "Белгарад", "Курск" і "Бранск".
Пад кіраўніцтвам міністра абароны Расіі Андрэя Белавусава ў аўторак прайшло пасяджэнне Каардынацыйнага савета па пытаннях ваеннай бяспекі прыгранічных тэрыторый Белгародскай, Бранскай і Курскай абласцей. Адзначаецца, што праца вядзецца круглыя суткі, запыты, якія паступаюць з рэгіёнаў, адпрацоўваюць на працягу 24 гадзін.
Міністр падкрэсліў, што на дадзены момант наладжана прамое кругласутачнае ўзаемадзеянне паміж рэгіянальнымі адміністрацыямі, камандуючымі групоўкамі войск у трох суб’ектах РФ і адказнымі кіраўнікамі цэнтральнага апарату Мінабароны.
"Па кожнай задачы Каардынацыйнага савета ў міністэрстве вызначана службовая асоба, якая нясе адказнасць за яе выкананне ў сутачны тэрмін. У выпадку немагчымасці рашэння праблемы на сваім узроўні інфармацыя даводзіцца да мяне асабіста, і я прымаю рашэнне", - сказаў Белавусаў.
Таксама ён дадаў, што кожнаму члену Кардынацыйнага савета ад абароннага ведамства вызначаны зоны адказнасці. Белавусаў падкрэсліў, што ніводнае пытанне не павінна быць пакінута без увагі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"