МІНСК, 23 жні – Sputnik. Еўропе неабходны новы дагавор аб міры, такой думкай падзяліўся прэзідэнт Беларусі Аляксандр Лукашэнка на сустрэчы з Апостальскім нунцыем Антэ Йозічам.
Лукашэнка падкрэсліў, што погляды кіраўніцтва Беларусі і Ватыкана практычна супадаюць, асабліва па пытаннях бяспекі, а іх пазіцыі абсалютна сугучныя. Гэта, на яго думку, паказвае канфлікт ва Украіне, дзе абодва бакі займаюць практычна аднолькавую пазіцыю.
"Я з вамі абсалютна згодзен, і мы даўно аб гэтым гаворым: Еўропе, каб жыць спакойна і жыць так, як мы жывем (як бы мы ні плакаліся, жывем нядрэнна), – нам патрэбен новы дагавор аб міры, патрэбен новы мір, калі можна так сказаць, у Еўропе", - прывяла словы прэзідэнта яго прэс-служба.
Але для гэтага, на думку беларускага лідара, актыўнасці толькі беларускай каталіцкай царквы недастаткова.
"Трэба яшчэ, каб у еўрапейскіх краінах былі моцныя кіраўнікі, якія зыходзілі б з таго, што трэба бачыць інтарэсы і сваіх народаў. Не толькі падпарадкоўвацца і ва ўгоду камусьці дзейнічаць", - дадаў Лукашэнка.
Ён падкрэсліў, што такіх кіраўнікоў, на жаль, не бачыць.
Сустрэчы з Папам
У размове з нунцыем Лукашэнка ўзгадаў і пра свае кантакты з кіраўнікамі Апостальскай Сталіцы.
"Я з вялікай цеплынёй успамінаю свае сустрэчы з Папам Рымскім. Мне пашанцавала – усе кіраўнікі Каталіцкай царквы, з якімі я сустракаўся, былі таксама вельмі сур’ёзнымі і прыстойнымі людзьмі", - сказаў ён.
Беларускі лідар таксама папрасіў Йозіча падрыхтаваць будучага пасланніка Папы Рымскага ў Беларусі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"