Крэмль: для пашырэння БРІКС ёсць мяжа

МІНСК, 4 вер – Sputnik. Межы для пашырэння міжнароднага аб'яднання БРІКС ёсць, яго ўдзельнікам трэба вызначыць статус яго партнёраў, гэта і стане тэмай для абмеркавання на будучым саміце ў Казані, паведаміў журналістам прэс-сакратар расійскага прэзідэнта Дзмітрый Пяскоў.

У сувязі з гэтым, паводле яго слоў, трэба сумесна вызначыцца, колькі ў прынцыпе можа быць партнёраў, хто можа ім быць і гэтак далей. Як удакладніў Пяскоў, гэтыя пытанні будуць абмяркоўвацца ў Казані, дзе з 22 па 24 кастрычніка пройдзе саміт БРІКС.

Прэс-сакратар Уладзіміра Пуціна таксама паведаміў, што расійскі бок у курсе зацікаўленасці Малайзіі ў далучэнні да БРІКС. Больш за тое, Масква падтрымлівае такі інтарэс.

Прадстаўнік Крамля таксама дадаў, што Расія сумесна з калегамі па БРІКС плануе абмеркаваць гэтае пытанне.

Разам з тым Пяскоў падкрэсліў, што БРІКС кансалідавана вырашае пытанні аб уступленні ў аб’яднанне новых членаў. Паводле яго слоў, Пуцін не можа аднаасобна прымаць такія рашэнні.

Як праінфармаваў прэс-сакратар прэзідэнта РФ, хутчэй за ўсё на саміце ў кастрычніку ў якасці аднаго з прыярытэтных пытанняў абмяркуюць пашырэнне БРІКС.

Арганізацыя была заснавана ў 2006 годзе як БРІК – у яе склад увайшлі Бразілія, Расія, Індыя і Кітай. Пазней да аб’яднання далучылася ПАР, пасля чаго саюз атрымаў новую назву – БРІКС.

З 1 студзеня 2024 года ў арганізацыю афіцыйна ўвайшлі Егіпет, Эфіопія, Іран, ААЭ і Саудаўская Аравія.

У ліпені 2023 года Беларусь перадала ноту аб намеры ўступіць у аб’яднанне.

Расія стала старшынёй БРІКС у бягучым годзе. На гэты перыяд запланавана правядзенне больш як 200 палітычных, эканамічных і грамадскіх мерапрыемстваў.