МІНСК, 6 вер – Sputnik. Прэзідэнт Беларусі Аляксандр Лукашэнка азнаёміўся з праектам будучага Нацыянальнага гістарычнага музея рэспублікі, які плануецца пабудаваць у Мінску, паведаміла прэс-служба кіраўніка дзяржавы.
У пятніцу, 6 верасня, у Палацы Незалежнасці адбылася нарада, на якой разглядаліся аспекты архітэктурнага рашэння і экспазіцыі новага культурна-гістарычнага комплексу.
"Што б ні адбывалася вакол краіны, як бы мы ні былі заняты бягучымі пытаннямі, пытанні дзяржаўнага будаўніцтва заўсёды будуць у цэнтры нашай увагі", - падкрэсліў прэзідэнт.
Як цытуе Лукашэнку Telegram-канал "Пул першага", у экспазіцыі не павінна быць ніякіх нацыяналістычных або патрыятычных перагібаў – у ёй варта адлюстраваць аб’ектыўны погляд на гісторыю, каб ніхто не мог адхіляць або адмаўляць яе.
"Маё асноўнае патрабаванне – выказаць гістарычныя факты максімальна праўдзіва", - заявіў ён, удакладніўшы, што музей трэба зрабіць самым сучасным.
"Ніякай палітызацыі, ніякага "Ура!" у дачыненні да там Лукашэнкі, Пятровых, Сідаравых, якія нібыта вяршылі гісторыю, а народа пры гэтым не відаць. Усё павінна быць абсалютна аб’ектыўна і заслужана", - сказаў прэзідэнт.
Запланавана, што музей будзе знаходзіцца ў Цэнтральным раёне беларускай сталіцы – паміж праспектам Пераможцаў, вуліцай Арлоўскай і ракой Свіслач. Там жа, дзе раней размяшчаўся парк забаў "Дрымлэнд", створаць парк Народнага адзінства, які ўвойдзе ў водна-зялёны дыяметр горада.
Перыметр будынка музея будзе паўтараць контуры меж Беларусі, а яго экспазіцыя – змяшчаць экспанаты і інфармацыю аб гісторыі краіны са старажытных часоў і да нашых дзён.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"