МІНСК, 10 вер – Sputnik. Работнікі лясной гаспадаркі другі дзень запар працягваюць тушыць пажар у Палескім лясгасе на Альманскіх балотах, паведаміла прэс-служба Мінлясгаса рэспублікі ў афіцыйным Telegram-канале ведамства.
Усяго на ліквідацыі гэтага буйнога пажару задзейнічана 26 адзінак тэхнікі, а таксама 110 чалавек, 25 з іх прыбылі на дапамогу з лясгасаў Гомельскага ДВЛГА.
"Да тушэння, акрамя дзяржлесаховы Палескага лясгаса, прыцягнуты работнікі Лунінецкага, Івацэвіцкага вопытнага, Целеханскага, Столінскага лясгасаў Брэсцкай вобласці. Таксама калегі з лясгасаў Гомельскай вобласці ў цяжкі момант падставілі плячо дапамогі", - адзначыла намеснік кіраўніка па ідэалагічнай рабоце Брэсцкага ГЛП.
Некалькім лесапажарным камандам прыйшлося нават правесці ноч у лесе. Як адказалі ў Мінлясгасе, на поўдні рэспублікі буйныя пажары ў лесе і на балотах – не рэдкасць.
Ратавальнікі і сіноптыкі папярэджваюць Белгідрамет аб’явіў на сёння штармавое папярэджанне з-за небяспечнай гідраметэаралагічнай з’явы. Звязана гэта з тым, што 10 верасня на большай частцы тэрыторыі Гомельскай і Магілёўскай абласцей захаваецца надзвычайная пажарная небяспека.
У МНС у сваю чаргу нагадваюць, што спякотнае надвор'е можа стаць прычынай узнікнення пажараў у прыродных экасістэмах, распаўсюджвання агню на населеныя пункты, лініі ЛЭП і сувязі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"