МІНСК, 19 вер – Sputnik. Замежныя назіральнікі за выбарамі прыязджаюць з нарыхтаванымі дакументамі, заявіў кіраўнік дзяржавы Аляксандр Лукашэнка ў Палацы Незалежнасці падчас сустрэчы з кіраўнікамі выбарчых органаў краін СНД.
Паводле яго слоў, у рэспубліцы лічаць вельмі важным, каб на выбары прыязджалі назіральнікі ад Садружнасці, таму што іх парады і крытыка сур’ёзна ўспрымаюцца.
"Сёння мы думаем, што рабіць з так званымі замежнымі назіральнікамі, таму што мы ведаем: іх прыезд – гэта нарыхтаваныя дакументы, якія яны потым аб'явяць і падпішуць", - цытуе Лукашэнку БелТА.
Беларускі лідар адзначыў, што ў гэтай сітуацыі трэба параіцца з СНД. У Мінску хацелі б, каб замежныя назіральнікі прыехалі ў рэспубліку і расчараваліся ва ўласнай думцы.
"Але мы не можам дапусціць, каб яны зноў прыехалі са сваімі талмудамі і зрабілі адпаведную заяву, якая ўжо нарыхтавана або якая напісана не іх рукой", - абмаляваў сітуацыю ён.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"