МІНСК, 30 вер – Sputnik. Урадавая дэлегацыя Беларусі на чале з прэм’ер-міністрам краіны Раманам Галоўчанкам накіравалася ў Ерэван, паведамляе Telegram-канал прэс-службы Саўміна.
У армянскай сталіцы 30 верасня стартавала чарговае пасяджэнне Еўразійскага міжурадавага савета.
У аўторак, 1 кастрычніка, адбудзецца сустрэча кіраўнікоў урадаў пяці краін ЕАЭС – Арменіі, Беларусі, Казахстана, Кыргызстана і Расіі.
Галоўчанка адзначыў, што ў парадак дня пасяджэння ўключана 21 пытанне, пяць з якіх плануецца абмеркаваць у вузкім складзе. Яшчэ адно пытанне ў дадатак ініцыявана беларускім бокам.
"Чакаецца таксама магчымае ўключэнне і іншымі дзяржавамі пытанняў, якія пакуль што не ўвайшлі ва ўзгоднены парадак дня, з улікам важнасці пытанняў для тых ці іншых дзяржаў", - цытуе беларускага прэм’ера прэс-служба ўрада.
Паводле яго слоў, на палях форуму чакаецца разгорнутая дыскусія па такіх тэмах, як уніфікацыя падыходаў у рамках сістэм кіравання рызыкамі, пытанні кадравага забеспячэння калегіі ЕЭК, зацвярджэнне бюджэту ЕАЭС на 2025 год і іншыя.
Галоўчанка таксама анансаваў сустрэчу з расійскімі калегам Міхаілам Мішусціным.
"На палях гэтага мерапрыемства плануецца сустрэча са старшынёй урада Расійскай Федэрацыі па абмеркаванні бягучых пытанняў нашага ўзаемадзеяння ў рамках Саюзнай дзяржавы", - дадаў ён.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"