МІНСК, 1 кас – Sputnik. Пасол Расіі ў Беларусі Барыс Грызлоў павіншаваў інфармацыйнае агенцтва і радыё "Sputnik Беларусь" з дзесяцігоддзем.
"Прыміце самыя шчырыя і цёплыя віншаванні з нагоды дзесяцігадовага юбілею з моманту запуску інфармацыйнага агенцтва і радыё "Sputnik Беларусь".
З першых дзён працы рэдакцыя ў рэжыме рэальнага часу аб’ектыўна расказвае пра ключавыя падзеі, якія адбываюцца ў Саюзнай дзяржаве і ў свеце, выконваючы найвышэйшыя стандарты журналістыкі.
Згуртаваная каманда таленавітых прафесіяналаў зрабіла "Sputnik Беларусь" адным з вядучых і найбольш цытаваных СМІ ў рэспубліцы, які не толькі набыў заслужаны аўтарытэт сярод калег па цэху, але і заручыўся даверам шырокай аўдыторыі ў Расіі, Беларусі і на ўсёй прасторы СНД.
Усе гэтыя гады Sputnik з’яўляецца надзейным інфармацыйным партнёрам Пасольства Расійскай Федэрацыі ў Рэспубліцы Беларусь. Цяжка пераацаніць уклад журналістаў і супрацоўнікаў рэдакцыі ва ўмацаванне расійска-беларускіх адносін. Асобнай падзякі заслугоўвае вычарпальнае асвятленне інтэграцыйных працэсаў у рамках Саюзнай дзяржавы, папулярызацыя нашых агульных дасягненняў і поспехаў.
Рэпартажы і аналітычныя матэрыялы карэспандэнтаў "Sputnik Беларусь" не толькі фарміруюць парадак навін, але часам становяцца адпраўной кропкай для прыняцця важных кіраўніцкіх рашэнняў. Наглядным прыкладам можа служыць перазапуск сёлета прыгарадных чыгуначных зносін паміж прыгранічнымі населенымі пунктамі Расіі і Беларусі, якія перарваліся ў перыяд пандэміі. Не будзе перабольшаннем сказаць, што менавіта "спадарожнікаўцы" ў свой час вярнулі гэтае надзённае для многіх грамадзян пытанне ў інфармацыйнае поле і прыцягнулі да яго ўвагу профільных ведамстваў нашых краін.
Жывая цікавасць, якую рэдакцыя традыцыйна праяўляе да пытанняў адукацыі, культуры, аховы здароўя і інфраструктуры – гэта прыклад адказнай сацыяльна арыентаванай журналістыкі, накіраванай на павышэнне якасці жыцця грамадзян, якое і з’яўляецца фундаментальным крытэрыем поспеху будаўніцтва Саюзнай дзяржавы. Важна, што да асвятлення нават вострых сюжэтаў рэдакцыя "Sputnik Беларусь" падыходзіць максімальна сумленна, адказна і канструктыўна, заўсёды прытрымліваючыся прынцыпу "крытыкуеш – прапануй". Для прадстаўнікоў улады на ўсіх узроўнях такая інфармацыя – каштоўны інструмент, які дазваляе не выпускаць з-пад увагі праблемы і спадзяванні простых грамадзян.
Ва ўмовах гібрыднай агрэсіі Захаду супраць Расіі і Беларусі агенцтва ўносіць важкі ўклад у абарону інфармацыйнай прасторы Саюзнай дзяржавы, наглядна высвечвае і спыняе спробы замежных СМІ маніпуліраваць грамадскай думкай і навінавым парадкам дня. У гэтым ваш дэвіз – "гаварыць тое, пра што іншыя маўчаць".
Жадаю калектыву інфармацыйнага агенцтва і радыё "Sputnik Беларусь" здароўя, дабрабыту, новых творчых дасягненняў на карысць Саюзнай дзяржавы і, зразумела, толькі добрых навін!".
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"