МІНСК, 10 кас – Sputnik. Беларускія студэнты прынялі ўдзел у Міжнародным фестывалі "Русский язык и семья", які прайшоў у інстытуце рускай мовы Расійскага ўніверсітэта дружбы народаў імя Патрыса Лумумбы.
Мерапрыемства было арганізавана пры падтрымцы Мінадукнавукі РФ і аб’яднала гасцей са славянскіх універсітэтаў Арменіі, Беларусі, Казахстана, Кыргызстана і Таджыкістана.
У першы дзень у фармаце рэаліці-шоу прайшоў вялікі конкурс "Свадебный переполох". Маладыя людзі расказалі пра вясельныя традыцыі сваіх краін, прадэманстравалі нацыянальныя строі і разыгралі сапраўдныя тэатралізаваныя паказы. Яго пераможцамі сталі студэнты з Беларусі – навучэнцы Беларуска-Расійскага ўніверсітэта.
© Photo : РУДН
Адбыўся таксама семінар "Концепт "семья" в разных лингвокультурах" – яго ўдзельнікамі былі вядомыя вучоныя вядучых расійскіх і замежных універсітэтаў, якія абмеркавалі вобразы і канцэпты сям’і ў розных дзяржавах і іх адлюстраванне ў моўнай свядомасці.
Яшчэ адной падзеяй фестывалю была выстава фатаграфій пераможцаў міжнароднага конкурсу "Семейный альбом", работы на які прадставілі больш за 150 чалавек з 20 краін свету.
© РУДН
У конкурсе эсэ "Семейные традиции в моей стране" пераможцамі сталі студэнты Беларуска-Расійскага ўніверсітэта, Кыргызска-Расійскага Славянскага ўніверсітэта імя Б.М. Ельцына, Расійска-Таджыкскага (Славянскага) універсітэта, Расійска-Армянскага ўніверсітэта, Кызылардынскага дзяржаўнага ўніверсітэта імя Каркыт ата і ўніверсітэтаў РФ.
Вынікі фестывалю падвялі на вялікім гала-канцэрце, на якім выступілі лепшыя творчыя калектывы з Інтэрнацыянальнага культурнага цэнтра РУДН.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"