МІНСК, 22 кас – Sputnik. Прэзідэнт Расіі Уладзімір Пуцін прыме ўдзел у шаснаццатым саміце БРІКС у Казані, які пройдзе 22-24 кастрычніка, перадае Sputnik.
У апошні дзень саміту ў ім будуць удзельнічаць прадстаўнікі амаль 40 дзяржаў. У Казань прыбудуць лідары краін СНД, дэлегацыі з Азіі, Афрыкі, Блізкага Усходу і Лацінскай Амерыкі, а таксама прадстаўнікі міжнародных арганізацый.
У гэтым годзе ў БРІКС старшынствуе Расія, якая прапанавала правесці яго пад дэвізам "Умацаванне шматбаковасці для справядлівага глабальнага развіцця і бяспекі".
Плануецца правядзенне пасяджэнняў у вузкім і пашыраным саставах, дзе кіраўнікі дзяржаў БРІКС змогуць абмяняцца думкамі па пытаннях, звязаных з міжнароднай праблематыкай.
На саміце ў Казані нададуць асаблівую ўвагу тром ключавым тэмам у супрацоўніцтве – гэта палітыка і бяспека, эканоміка і фінансы, культура і гуманітарныя кантакты.
Таксама плануецца, што на саміце ўвядуць катэгорыю "дзяржаў-партнёраў" БРІКС і такім чынам адбудзецца пашырэнне арганізацыі.
БРІКС была створана ў 2006 годзе і атрымала сваю назву па першых літарах назваў краін, якія яе заснавалі. Звыклую назва БРІКС сталі выкарыстоўваць у 2010 годзе, калі да Бразіліі, Расіі, Індыі і Кітая далучылася Паўднёвая Афрыка.
Цяпер у арганізацыю ўваходзяць ужо дзевяць дзяржаў. Цяпер паўнапраўнымі членамі БРІКС таксама з’яўляюцца Егіпет, Іран, ААЭ і Эфіопія.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"