МІНСК, 24 кас – Sputnik. Беларускі лідар Аляксандр Лукашэнка заявіў у інтэрв’ю "Известиям", што рэспубліка стала партнёрам у БРІКС.
Раней у чацвер, выступаючы на саміце БРІКС+ у Казані, Лукашэнка адзначыў, што Беларусь цалкам падзяляе філасофію БРІКС і ідзе ў арганізацыю з канкрэтнымі праектамі. Рэспубліка гатова стаць актыўным удзельнікам аб'яднання, падкрэсліў ён.
"Мы сталі партнёрамі – гэта абавязковая ступень перад уступленнем у гэты клуб", - сказаў Лукашэнка ў інтэрв'ю.
У той жа час, паводле слоў кіраўніка дзяржавы, краіны Захаду разгарнулі кампанію, каб панізіць статус арганізацыі.
"Прыклады мы ведаем. Ідзе націск. Не буду называць гэтыя краіны, таму што гэта закрытая інфармацыя. Яны могуць казаць, што гэта не так. Але мы ведаем. Прытым краіны, з якімі Расія і мы ў добрых адносінах", - дадаў Лукашэнка.
БРІКС
Саміт краін БРІКС праходзіць у Казані з 22 па 24 кастрычніка. Аб’яднанне было створана ў 2006 годзе, сваю назву ў выглядзе англійскай абрэвіятуры BRICS яно атрымала ад першых літар назваў краін, якія стварылі структуру Brazil, Russia, India, China, South Africa.
У адпаведнасці са статутнымі дакументамі, адносіны паміж краінамі БРІКС будуюцца на аснове неўмяшання і ўзаемадапамогі.
У цяперашні час акрамя РФ, Бразіліі, Індыі, Кітая і ПАР, у аб’яднанне ўваходзяць Егіпет, Эфіопія, Іран, ААЭ і Саудаўская Аравія.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"