МІНСК, 5 ліс – Sputnik. Беларусь і Расія заснавалі медыякампанію Саюзнай дзяржавы, паведаміў журналістам прэм’ер-міністр рэспублікі Раман Галоўчанка пасля пасяджэння саюзнага Саўміна ў Мінску, перадае Sputnik.
"Сёння заснавана медыякампанія Саюзнай дзяржавы, зацверджаны яе статут і склад назіральнага савета. Арганізацыя будзе выступаць як адзіная рэдакцыя і заказчык кантэнту", - праінфармаваў ён.
Як растлумачыў Галоўчанка, кантэнт будзе накіраваны на папулярызацыю саюзнага будаўніцтва, прапаганду яго дасягненняў, асвятленне асноўных падзей у тым ліку на іншых тэлеканалах і інфармацыйных пляцоўках.
На самім пасяджэнні саюзнага Саўміна прэм’ер-міністр Расіі Міхаіл Мішусцін заявіў, што неабходна больш актыўна заняцца пытаннем стварэння адзінай інфармацыйнай прасторы.
Ён нагадаў, што Беларусь і Расія ствараюць медыяхолдынг Саюзнай дзяржавы, які аб’яднае намаганні СМІ абедзвюх краін.
Саюзны медыяхолдынг
Упершыню аб магчымасці стварэння медыяхолдынга Саюзнай дзяржавы загаварылі восенню 2021 года. Пытанне ўзняў беларускі прэзідэнт Аляксандр Лукашэнка.
За гэты час бакі працавалі над праектам. Пытанне не адзін раз уносілася ў парадак дня Вышэйшага Дзяржсавета Саюзнай дзяржавы, яго рэгулярна абмяркоўваюць кіраўнікі дзяржаў, прэм’еры, парламентарыі дзвюх краін.
Прадугледжваецца, што ў холдынг увойдуць чатыры дзеючыя СМІ Саюзнай дзяржавы: газета "Саюзнае Веча", газета "Саюз. Беларусь – Расія", часопіс "Саюзная дзяржава" і тэлерадыёвяшчальная арганізацыя Саюзнай дзяржавы ("Белрос"). Вяшчаць медыяхолдынг будзе на дзвюх мовах – рускай і беларускай.
Галоўны офіс кампаніі размесціцца ў расійскай сталіцы, а ў Мінску будзе працаваць прадстаўніцтва.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"