МІНСК, 11 ліс – Sputnik. Падраздзяленні групоўкі войск "Захад" РФ вызвалілі населены пункт Калеснікоўка ў Харкаўскай вобласці, паведамілі ў прэс-службе абароннага ведамства.
Удакладняецца, што знішчалася жывая сіла і тэхніка ўкраінскіх нацыяналістаў у раёнах Купянска, Кучароўкі, Загрызава, Копанак і Астроўскага ў Харкаўскай вобласці, Ямполаўкі, Торскага ў ДНР.
"Падраздзяленні групоўкі войск "Захад" вызвалілі населены пункт Калеснікоўка Харкаўскай вобласці", - гаворыцца ў паведамленні.
УСУ страцілі за мінулыя 24 гадзіны на гэтым напрамку да 530 баевікоў, БМП, шэсць аўто, чатыры самаходкі, гармату Д-20 і гаўбіцу Д-30. Таксама ваенным РФ удалося знішчыць станцыю РЭБ "Квертус" і два палявыя склады з боепрыпасамі.
Байцы групоўкі войск "Поўдзень" РФ таксама нанеслі вялікія страты УСУ. Расійскія вайскоўцы адбілі чатыры контратакі ўкраінскіх штурмавікоў. Акрамя таго, вайскоўцы палепшылі становішча па пярэднім краі і нанеслі паражэнне фарміраванням украінскіх баевікоў у раёнах Северска, Славянска, Званоўкі, Мінькоўкі, Мікалаеўкі, Часова Яра, Прадцечына, Канстанцінаўкі і Курахова ДНР.
У выніку на гэтым напрамку праціўнік страціў да 540 баевікоў, баявую бронемашыну, два аўто, дзве гаўбіцы, чатыры станцыі РЭБ, радыёлакацыйную станцыю контрбатарэйнай барацьбы AN/TPQ-48 вытворчасці ЗША і два палявыя склады з боепрыпасамі.
Актыўна ў зоне спецаперацыі працавалі мінулыя 24 гадзіны і сродкі СПА, якія збілі чатыры кіраваныя авіяцыйныя бомбы Hammer (французскай вытворчасці) і 39 дронаў УСУ.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"