МІНСК, 14 ліс – Sputnik. Палітычная сістэма ЗША з’яўляецца ілюзіяй дэмакратыі, заявіла галоўны рэдактар медыягрупы "Россия сегодня" і RT Маргарыта Сіманьян, каментуючы перадвыбарныя дэбаты ў ЗША.
Адказваючы ў інтэрв’ю "Ведомостям" на пытанне, за каго, на яе думку, галасуе аўдыторыя RT у Штатах, Сіманьян адзначыла, што "аўдыторыя RT у ЗША галасавала б за кагосьці трэцяга, калі б яго калі-небудзь дапускалі хаця б да дэбатаў".
У ЗША ўсе прывыклі да таго, што дэбаты праводзяцца толькі паміж рэспубліканцамі і дэмакратамі. Для гэтай краіны гэта ўжо сталая сістэма.
Сіманьян лічыць, што гэта абсалютна ненармальна.
"Да сапраўднай дэмакратыі, да выказвання свайго меркавання яна (гэтая сістэма - Sputnik) мае вельмі малое стаўленне. Амерыканская сістэма – гэта ж наогул ілюзія дэмакратыі", - сказала яна.
Галоўрэд лічыць, што рэспубліканцы і дэмакраты мала чым адрозніваюцца адзін ад аднаго. Адрозніваецца толькі Дональд Трамп, але ў асабістай якасці.
"Вядома, рэспубліканцы і дэмакраты заяўляюць аб нейкіх адрозненнях, але потым у сярэдзіне тэрміну могуць рэзка мяняць меркаванне па ключавых пытаннях", - адзначыла Сіманьян.
Разам з тым ёсць сілы, якія сапраўды адрозніваюцца, напрыклад, сацыялісты.
Таксама Сіманьян падкрэсліла, што ў Расіі зусім няправільнае ўяўленне аб Амерыцы, у першую чаргу, гэта датычыцца свабоды слова і СМІ. Па яе словах, ніякай аб’ектыўнасці там ніколі не было. Аб’ектыўнасць – гэта толькі тое, што амерыканцы расказваюць расійскім журналістам на сваіх курсах і падчас практыкі ў арганізацыях, звязаных з заходнімі фондамі.
Гаворачы аб аб’ектыўнасці ў журналістыцы, Сіманьян адзначыла, што кожная краіна адстойвае свае інтарэсы ў дзяржСМІ, а недзяржаўныя – улічваюць каштоўнасці ўладальніка.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"