МІНСК, 19 ліс – Sputnik. Камандна-штабныя вучэнні з удзелам суб’ектаў дзяржаўнай сістэмы рэагавання праходзяць з 19 па 22 лістапада, паведамляе МУС Беларусі.
Імі кіруе міністр унутраных спраў Іван Кубракоў. Вучэнні вырашана правесці як у Мінску, так абласных і раённых цэнтрах.
"…Праваахоўнікі прадэманструюць гатоўнасць да аператыўнага рэагавання на магчымыя ўскладненні абстаноўкі ў краіне падчас электаральнай кампаніі", - гаворыцца ў паведамленні МУС.
У ведамстве ўдакладнілі, што асноўная задача – не дапусціць праяў экстрэмізму і тэрарызму, уцягвання грамадзян у супрацьпраўныя дзеянні, спыніць парушэнні грамадскага парадку.
Міліцэйскае ведамства папярэдзіла, што падчас вучэння магчымы перакрыцці вуліц, выкарыстанне піратэхнікі, перамяшчэння спецтэхнікі.
Раней паведамлялася, што ў краіне на 26 студзеня 2025 года назначаны чарговыя прэзідэнцкія выбары. Датэрміновае галасаванне пачнецца 21 студзеня. Збор подпісаў за вылучэнне кандыдатаў ідзе ўжо зараз.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"