МІНСК, 3 сне – Sputnik. Маладзёжны хор будзе створаны ў Саюзнай дзяржаве, паведаміў старшыня камісіі Парламенцкага Сходу па культуры, навуцы і адукацыі Мікалай Бурляеў у час відэамоста Масква – Мінск, які прымеркаваны да 25-годдзя падпісання Дагавора аб стварэнні Саюзнай дзяржавы.
"За той час, як была створана наша камісія, а яна дастаткова новая, было зроблена вельмі шмат. Мы працуем у абсалютным духоўным яднанні і ў нас няма супярэчнасцей. Мы разумеем, што культура і культурная спадчына – гэта аснова ўсяго, тады і эканоміка пойдзе ў рост і бяспека будзе забяспечана", - адзначыў ён.
Па інфармацыі Бурляева, камісія ўжо прапанавала некалькі цікавых праграм. У прыватнасці, быў створаны маладзёжны сімфанічны аркестр пад кіраўніцтвам Юрыя Башмета.
"Мы прапанавалі таксама стварыць маладзёжны хор Саюзнай дзяржавы, для якога плануецца адабраць 20 маладых беларускіх спевакоў і 30 маладых расійскіх кансерваторцаў. Калі правядуць кастынг і збяруць лепшых маладых людзей, яны будуць спяваць і беларускія, і рускія песні, класічныя творы", - паведаміў ён.
Таксама камісія прапанавала стварыць фільм пра прападобнага Сергія Раданежскага і зняць 30 міністужак працягласцю да трох-пяці хвілін пра герояў-падзвіжнікаў Беларусі і Расіі.
"15 імён такіх беларускіх герояў мы "ўваскрэсім" і пакажам моладзі і 15 найбуйнейшых гістарычных дзеячаў Расіі", - растлумачыў Бурляеў.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"